Jun-Oct 2011

Vol.10
No.1

 

 

 

  NEWS VIEWS FEATURE LITERARY BULLETIN SPORTS    

myNEWS
News Home
News
Views
Feature
Literary
Bulletin
Sports

mySEARCH

 
  myNSDAPS
NSDAPS Home
Aranzes Home
About NSDAPS
Prospective Students
Current Students
Visitors
Faculty and Staff
Alumni and Parents
NSDAPS Family
  myHELP
School Directory
Site Index
Contact Us
Online Virtual Tour
 
Editorial Staff
 
 


Aranzes, isang dekada na!


Paglalakbay (ni Bb. Joy Prado)


Baller, Baller, bakit lubha kang sumikat


Mura na, siguradong busog ka pa


Aranzes, isang dekada na!

aranzes
ni: JAMP

Nagsimula sa wala, ngayon ang Aranzes ay 10 taon na! Taong 2001, sa pagnanais ng punong direktor noon na si Msgr. Mariano Balbago, Jr. na magkaroon ng pahayagan ang ating paaralan, sinimulan ang pagkakaroon ng elective class ng Basic Journalism sa Ikatlong taon. Naatasan si Bb. Cecilia Rose Torres upang magturo na kursong ito bilang paghahanda sa pagbuo ng unang imprenta ng minimithing pahayagan.

Samantala, pinag-isipan naman ng husto kung ano ba ang nararapat na maging pangalan nito. Sa suhestiyon ng punong-guro na si Gng. Perla Magculang, nabuo
ang pangalang Aranzes na halaw sa mga katagang “Arantsan! zu? Tu en el espino? (”Mahal na Ina, nasa katinikan kayo?”) na nasambit ni Roberto Balzategui
ang pastol na nakakita sa Mahal na Birhen na nasa katinikan.

Sa pamamagitan ng unang patnugot nito na si Veronese Ciabal at magkasamang husay nina Bb. Torres at G. Andres Bonifacio, Jr. bilang tagapayo, tuluyan nang nailathala ang unang isyu ng Aranzes taon 2002.

Ipinagpatuloy ito ni Kristine Joy Tolentino patnugot ng taong 2003 sa tulong ng kanyang mga tagapayo na sina Bb. Julie Ann Pajardo at Bb. Jannette Mejica (Gng.
Dominguez na ngayon). Mula sa broadsheet type na papel, napalitan ang isyu sa tabloid size na inimprinta sa sariling makinang risograph ng paaralan. Matatandaang kulay asul ang tintang ginamit sa pahayagan na naging
akma sa ating kulay.

Kasunod nito naitalaga naman si Rupert Francis Mangilit upang manungkulan bilang patnugot taong 2004. Dito na nagsimulang paghiwalayin ang isyu ng elementarya at hayskul. Sa pamamagitan din nito ang kasanayan ng mga batang Aranzan ay unti-unting nahahasa. Magkatuwang na binuo ni G. Andlen Go at Gng. Purifi cacion Singueo ang isyu sa elementarya. Nagkaroon ng seminar-workshop para sa mga magaaral na nagnais maging manunulat.

Sa sumunod na taon naging tagapayo sina G. Go at Bb. Marie Pie Bince sa hayskul. Si Kristine Carla Oplehida ang nanungkulan bilang patnugot. Bumalik sa dating sukat na broadsheet ang Aranzes. Dito rin nagsimulang sumali ang mga Aranzan saMAPSA seminar-workshop on Campus Journalism. Sa elementarya naman, si Bb. Amalia Galvez ang namahala bilang tagapayo.

Taong 2006, sa pagpasok ng bagong punong direktor na si Fr. Gerard Joaquin V. Masangya (na siyang direktor pa rin sa kasalukuyan), nagkaroon ng maraming pagbabago sa Aranzes. Naatasang muli sa tungkulin bilang tagapayo sina Bb. Pajardo at Gng. Dominguez na pinamunuan ni Francis Claire Baltazar. Mula sa angking galing sa paglalapat gamit ang computer matiyaga namang pinag-isipan ni Marco Lorenzo Ferrer ang disenyo ng nameplate at ng mga kolum ng Aranzes
mula sa orihinal na konsepto ni G. Go.

Kasama sa mga pagbabagong naganap noong 2007 ang pagkakaroon ng honor class. Mula ditonapili naman si Michelle Mordeno bilang patnugot na gumawa ng malaking kontribusyon sa kasaysayan ng Aranzes bunga ng kanyang dedikasyon. Nakamit ng Aranzes ang 13 karangalan sa kauna-unahang MAPSA
Presscon. Nailathala rin ang Aranzes sa de-kulay na isyu. Nagkaroon din ng sariling logo ang Aranzes Journal mula sa dibuho ni Jorge Paolo Jorge. Samantala, si Bb.
Liezel Tomas naman ang namahala bilang tagapayo sa elementarya.

Ipinagpatuloy ni Mark Kenneth Cabusay ang magandang kabanata ng Aranzes matapos humakot muli ng 20 karangalan sa ikalawang MAPSA Presscon,
taong 2008. Gumawa ng marka ang Aranzes sa MAPSA matapos masungkit ni Sophia Dela Paz ang unang puwesto sa unang sabak ng photojournalism. Kasama sa mga pagbabagong ito ang pagkakaroon ng hiwalay naisyu ng Filipino at Ingles Sinimulan rin ang paglalathala ng kauna-unahang Aranzes literary folio na may pamagat na Hinumduma, mula sa nanalong disenyo ni Sashima Lei Omotoy. Ang literary folio ay kalipunan ng mga malikhaing komposisyon na binubuo ng tula,
sanaysay, kwento, awit, larawan, at dibuho.

Taong 2009, ipinasa naman kay Neo John Tuquero ang responsibilidad ng pagiging patnugot. Buong husay niyang pinagtanggol ang korona ng Aranzes matapos mapanatili ang pwesto sa ikatlong MAPSA Presscon at humakot ng 23 karangalan at depensahan muli ang titulo ng Photojournalism.Ito na marahil ang pinakamagandang regalong nakamit ng Aranzes matapos makamit ang ikalawa
sa pinakamataas na puwesto sa 4th MAPSA Presscon. Pinagsumikapan ito ng pamunuan ni Christian Jay Fabon (produkto ng Aranzes sa elementarya) makaraang sumalang sa ilang seminar-workshop at training ang
bawat miyembro. Napanatili sa tatlong sunod na taon ang titulo ng photojournalism sa pamamagitan ng pagkapanalo ni Alyssa Testa.

Samantala sa aktibong pamumuno nina G. Albert Lagrimas at Bb. Ma. Teresa Bitonio, bilang tagapayo nagkaroon sila ng overnight stay sa paaralan upang
gawin at paghusayin ang isyu ng Aranzes sa elementarya. Bunga nito sa kauna-unahang pagkakataon sila ay nakapaglathala ng full-colored magazine type. Ang
literary folio na may pamagat na Pandesal (PAnitikan, DEsenyo, SALamin ng buhay).

Ngayong taon isang malaking hamon mula sa patnugutan ng Aranzes sa pamumuno ni Jethro Daryll Pugal ang tumbasan o di kaya ay higitan ang tagumpay
nito. Ngunit wala namang imposible kung ang bawat isa ay magsusumikap sa kanilang tungkulin at layunin. Sa sampung taon ng Aranzes ito ay hindi lamang
naging saksi sa mga pangyayaring naganap sa loob at labas ng paaralan, kundi isa rin itong hulmahan na nagsanay ng mga mag-aaral para isabuhay ang motto ng
ating paaralan—ang maging ilaw ng katotohanan.

Mabuhay ang mga taong nagtaguyod at tumataguyod sa Aranzes!

Mabuhay ang Aranzes

UP^

 

Kapistahan ng
Aranzazu muling tumingkad

Aranzan:
Ako ay Handa!
Araw ng Director
Idinaos

Kaguruan
Pinapurihan

Aranzans sa
hardcourt
 


Paglalakbay

ni Bb. Joy Prado

Ang buhay ay isang paglalakbay. Minsan sa pagtahak dito, iba’t -iba ang iyong nararanasan, minsan may malinis at mayroon ding masukal. Minsan sa ating paglalakbay, hindi mo masasabing maari kang mabuhay sa sarili lamang, bahagi tayo ng lipunan na ating kinaaniban.

Marami na akong nalakbay na mga lugar sa Pilipinas at maging sa ibayong dagat ang Estados Unidos. Marami na ring lugar at iba’t-ibang pribadong paaralan na aking pinasukan. Sa aking karanasan masasabi kong iba-iba ang aral na aking natutuhan, maging ang karanasan sa mga tao maging lider man ito o hindi na nakasalamuha at nakausap ko. Ito ang dahilan kung bakit nahubog ang aking pagkatao bilang edukador, lider, mananaliksik, manunulat, at enterprenyur.

Ang Nuestra SenoraAranzazu Parochial School ay panglima sa pribadong paaralang pinasukan ko. Nagustuhan ko ang paralang ito sa dahilang malapit sa aking irahan, may retreats na isinasagawa taun-taon,may iba-ibang out reach program at higit sa lahat malapit ang paaralan sa simbahan na siyang dahilan kung bakit ko ito napili. Ang simbahan na madalas kong pinupuntahan ang pinakapangunahing dahilan kung bakit ako naririto ngayon, isang paraan upang lalo pang mapaigting ang relasyon ko sa Panginoong Maykapal.

Batid kong bilang isang guro o edukador, ay mayroon akong misyon na dapat isakatuparan sa mga Aranzan, ang maglingkod sa mga mag-aaral, ang tulungan silang makamit ang kaalamang dapat nilang matutunan.

Sa mga kapwa guro sa iba’t-ibang departamento, ako naman ay nasisiyahan sa kanila tuwing sila ay aking nakakasama sa mga pagpupulong, mga isinsagawang pagdiriwang, seminar at retreats. Masasabi kong isa silang biyaya sa kanilang pagiging mababait, madaling lapitan at masayahin.

Sa mga administrador, na nahinog na sa panahon, bagamat maraming problemang kinakaharap ay nananatiling bata, masisigla, mapagbigay sa kanilang mga iba’t ibang kaalaman at karanasan, palakaibigan at maasahan sapanahon ng kagipitan.

Sa mga Aranzans, makikita sa kanilang gawi ang larawan ni Kristo, isang Aranzang palasimba madasalin at higit sa lahat ay aktibo sa iba’t-ibang gawain sa paaralan at masiglang nakikilahok sa mga iba’t ibang out reach program ng paaralan. Handang tumulong at magbahagi ng kanilang galing at talento. Isang biyaya rin ang makapiling ang mga miyembro ng RCY, sa kanilang out reach program sa Sitio Ibayo dito ko naranasan ang makasama ang aking pamilya sa paaralan ang perseverance family na pinamumunuan ng tanging ina na si Doris Villamor. Isang hamon sa aking sarili na lalo pa akong makilahok sa ibat’t ibang out reach program sa pamayanan.

Kaya nakibahagi ako sa iba’t ibang out reach program na isinagawa ng Rotary
Club. Nagbahagi ako ng tulong mga Rotarians sa Calumpit, Bulacan na kung saan ay nagsagawa ng Disaster Relief Operation upang mabahaginan ng relief goods ang 560 pamilya na nabaha ngayong taon. Nasundan pa ito ng feeding program ng Guitnangbayan 1 na sinuportahan ng Rotary Club San Mateo Rizal, kung saan ito ay binubuo ng 65 na batang walang sapat na sustansya sa katawan o ang
mga tinatawag nating malnourished sa Divine Mercy. Binabalak ko rin bisitahin ang mga kulungan sa San Mateo, Rizal kasama ang mga Rotarians sa mga susunod pang Linggo upang sila ay makausap, turuan na linanginang kanilang kakayahan at talento kahit sila ay nasa kanilang selda.

Ilan lamang ito sa aking gustong gawin, mas malawak pa ang aking pangarap o gustong makamit. Ang pangarap na sa palagay ko ay hindi lang para sa akin kundi sa mamamayang Pilipino na tulungan ang mga ito na maging mulat sa kanilang kalagayan sa buhay at gumawang aksyon upang masugpo o malabanan ang kahirapan na kanilang nararanasan at huwag umasa na lamang sa kaunting tulong ng pamahalaan.

Sa mga itinuturing kong kaibigan, sa paaralang ito na sina Dra. Terry Amado, Jannette Dominguez, Doris Villamor, Melai Camaso, Jose Procalla, Danny Villanueva, Francis Licup at Annabelle Andres at iba pa……Sila ang mga taong nakasama ko sa maikling panahon ng aking paglalakbay sa Aranzazu na sa kanilang munting paraan ay nagdagdag ng kinang sa aking makulay na paglalakbay, at umaasa akong makakasama pa sa aking mahaba subalit makabuluhang paglalakbay.

At higit sa lahat, ang di ko kailanman makakalimutan ang kaunting panahon
na pakikipag-usap at lalo pa na makasalamuha sa kanyang 44 na kaarawan, ang ating Direktor/ Padre Gerry Masangya, sa maiklingpanahong iyon, masasabi kong isa siyang tunay na lider, maka diyos, makatao at makabayan. Ang repormistang pinuno na ang tanging ninanais ay isang makabuluhang pagbabago, upang maiangat ang kalidad ng paaralang kanyang pinamumunuan..

Sa lahat ng naganap sa buhay kong ito, marami akong natutunan. Ang pagpapahalaga sa pananampalataya sa Poong Maykapal, kahusayan
sa ating propesyon at serbisyong totoo na wala ng hinihintay na kapalit sa institusyon o pamayanan na ating kinabibilangan.

Sabi nga ni Alvin Tofl er awtor ng “New Wave” na aklat . Ang permanente lamang daw sa mundong ito ay pagbabago. Ang buhay ng tao ay maikli lamang at punom-puno ng pagbabago. Sa mga pagbabagong nagaganap sa bawat segundo, minuto, oras, araw-araw, linggo at iba pa ay kailangan tayong makiayon o makibagay.

Anumang lakbayin ko o iba pang pinaplano kong paglalakbay sa hinaharap.
Natutunan ko na ang paglalakbay ay daan upang mabago ang siglo o kabanata ng buhay ng tao.

UP^

 


Baller, Baller, bakit lubha kang sumikat
ni: Recille Mae Atayde, IV-E

Isa sa mga pamosong palamuti sa katawan na madalas makikita sa mga kabataan ngayon ay ang baller o baller bands. Hindi maikakaila na biglaan ang pagsikat ng mga ballers lalo na dito sa ating paaralan. Halos lahat ng mga mag-aaral ay pinagkakagastusan ang mga isangpulgadang- goma na ito at isinusuot ng sabay -sabay sa kanilang mga braso, kadalasan ay hindi nakukuntento sa isa kaya’t umaabot ng dalawa o higit pa ang isinusuot. Ngunit, ano nga ba ang mayroon sa baller kung kaya’t lubha nitong nahumaling ang mga kabataan?

Ang baller ay nagsasalita. Huwag kunin ng literal, ang baller ay hindi literal na nagsasalita ngunit nakapagbibigay ng mensahe sa mga nakakabasa ang mga nakasulat rito. Ito ang isa sa mga dahilan kung bakit ito ay sumikat. Bukod sa ito ay makulay at maraming palamuti, mayroon itong mensahe o pahayag na kung saan ay naiintindihan at nakakaugnay ang kapwang nagsusuot at nakakakita nito. Katulad lamang ito ng mga statement shirts (mga t-shirt na salita o pahayag
ang disenyo), na naging pamoso rin noon. Nagiging daan din ito upang maipahayag ng mga kabataan ang kanilang mga iniidolo, ideya at kagustuhan. Naging patok at pasok sa mga kabataan ang mga ganitong disenyo kaya naman hanggang ngayon ay fashion statement na ang mga ito.

Ang baller o baller bands ay iba-iba. Ang mga disenyo at mensahe ay umaangkop sa bawat isa.

Ikaw, anong sabi ng baller mo?


UP^

 

mura

ni: Lireil Aranas

Bagong mga pasilidad, mga guro, estudyante at halos lahat ng may pagbabago. At kasama na din ang pagbabago ng mga pagkaing itinitinda sa ating kantina.
Pagkaing abot-kaya na, masarap pa. Ito marahil ang patok na patok na binibili ng mga estudyante, ang mga Street Foods o “mga pagkaing kalye” na hindi lamang ngayon itinitinda sa labas, kundi mayroon na din sa ating eskwelahan. Ang
karaniwan alam ng karamihang Juan dela Cruz ay ang Betamax, Helmet, Adidas, Isaw, Kwek-kwek, Tokneneng at marami pang iba. At marami tayong pagpipilian sa mga Street foods na may protina na pasok sa “Food Pyramid”.

Ang ilan sa mga Street foods na ito ay ang kikiam na nagkakahalaga ng P10 kada sampung piraso na kahalintulad din ng mga presyo ng squidball, kwek-kwek at ang pinaka mabili na cheesestick na may hatid din na sustansya at mabibili na din
sa murang halaga. May kaugnayan din ito sa tema ng Nutrition Month na
naglalayon na kumain tayo ng mga masusustansyang pagkain na tungo
sa malusog na pangangatawan.

Ayon sa nakausap kong estudyante na mahilig kumain ng mga Street Foods, maganda ang ginawang aksyon ng ating eskwelahan sa pagdaragdag ng mga ganitong pagkain dahil masisiguro ng mga estudyante ang kalinisan at kaayusan kung paano ito inihanda at sa paraan din ng pagluluto. Makatitiyak din na hindi
ito magdudulot ng anumang sakit dahil siguradong maluluto ito ng maayos.

UP^




  Communication Box
Kindly e-mail us (jiangurus@gmail.com) your thoughts and other reactions so we can improve our online services.
 

© 2011 Nuestra Señora de Aranzazu Parochial School, Guitnang Bayan I, San Mateo, Rizal 1850.
Tel. No. (63)941-1269/ (63)570-2098 . Fax No. (63)941-9966. All Rights Reserved.
Site development and maintenance by the NSDAPS MIS Team